საზღვაო და სამთო სათხილამურო ტურიზმი აჭარაში (Sazgvao da samto satxilamuro kurortebi acharashi)

საქართველოს სამხრეთ-დასავლეთ ნაწილში მდებარე აჭარის რეგიონს მრავალმხრივი პოტენციალი აქვს, როგორც საზღვაო კურორტების მხრივ, ისე სამთო სათხილამურო ობიექტების დიდი არჩევანით.

აჭარის გეოგრაფიული ადგილმდებარეობა, შავი ზღვის სანაპირო ზოლი და მაღალმთიანი ზონა, შესანიშნავ გარემოს ქმნის ნებისმიერი ტიპის დამსვენებლისთვის, როგორც შიდა, ისე გარე ტურისტების მოსაზიდადაც.

აჭარის ზღვისპირეთი

აჭარას დასავლეთით შავი ზღვა ესაზღვრება, რაც იმას გულისხმობს, რომ აჭარას აქვს საკმაოდ დიდი პოტენციალი საზღვაო კურორტების განვითარების თვალსაზრისით და ამავდროულად, რეგიონის გამორჩეული ადგილმდებრეობა, არაერთ ზღვისპირა ქალაქსა თუ სოფელში დასვენებას სთავაზობს. შავი ზღვის სანაპირო ზოლებიდან, შემდეგი ადგილმდებარეობები გამოირჩევა დამსვენებლების რაოდენობის მხრივ:

ქობულეთი

ქობულეთი (qobuleti) შავი ზღვის სანაპიროსთან ყველაზე ახლოს მდებარე კურორტია, რომელიც გამორჩეულია თავისი ისტორიული ადგილებით იოდიზირებული ზღვის ჰაერით, რბილი სუბტროპიკული ჰავით, ფიჭვნარით და წვრილქვიშიანი სანაპირო ზოლით. ქობულეთი, თავისი ტენიანი, რბილი და სუბტროპიკული კლიმატით, სამკურნალო და გამაჯანსაღებელი დასასვენებელი კურორტია.

ჩაქვი

ჩაქვი (chaqvi) ისტორიულად ცნობილია, როგორც ქართული ჩაის სამშობლო. ეს კურორტი ფრინველებზე დაკვირვების მოყვარულთათვის საუკეთესო საშუალებას იძლევა დაბა ჩაქვის, სოფელ ჩაისუბანის ტერიტორიიდან, სადაც აღმართულია სპეციალური სათვალთვალო კოშკურა, საიდანაც შესაძლებელია ფრინველების მიგრაციაზე დაკვირვება. სანაპირო მწვანეთი მოცული კოტეჯებით გამოირჩევა.

კვარიათი

კვარიათი (kvariati) საქართველო-თურქეთის საზღვართან ახლოს მდებარეობს. მისი სანაპირო ზოლი გამჭვირვალე წყლით გამოირჩევა. კურორტს სამკურნალო დანიშნულება აქვს, რომელიც გულსისხლძარღვთა დაავადებებისა და ნერვული სისტემების მკურნალობისთვის საუკეთესო ადგილია.

მთიანი აჭარა - სამთო სათხილამურო კურორტები

განსაკუთრებით აღსანიშნავია აჭარის რეგიონის მაღალმთიანი ზონის ნოტიო ჰავა, რომელიც ზამთრის პერიოდში, შედარებით ცივი და ხანგრძლივი სეზონით გამოირჩევა. გაზაფულისა და ზაფხულის სეზონზე კი მაღალმთიან აჭარაში, სიგრილე და ხანმოკლე დღეებია. ამ რეგიონში არსებული მთების საშუალო სიმაღლე კი დაახლოებით 2.000 - 2.500 მეტრს აღწევს.

ბოლო წლებში თანდათან პოპულარული ობიექტი ხდება მაღალმთიანი აჭარა, სადაც სამთო კურორტების გაშენებამ, რეგიონს მეტი პოპულარობა შემატა. მაღალმთიან აჭარაში არაერთი კურორტია, რომელთაც სამკურნალო და რეკრეაციული დანიშნულების გარდა, გასართობი დანიშნულება აქვთ. ეს კურორტები წლის წლის ოთხივე სეზონზე სთავაზობს დასვენებას ვიზიტორებს და შესაბამისად, კურორტებზე გაშენებული გასართობი თუ დასასვენებელი ობიექტები გათვალისწინებული ოთხივე სეზონისთვოს. გარდა ამისა, აჭარაში საკმაოდ სარეცხი მანქანის ხელოსანი აქტიურად დაიწყო სამთო სათხილამურო კურორტებისა გაშენება და ინფრასტრუქტურული განვითარებაც.

ქვემოთ იხილავთ აჭარის სამთო სათხილამურო კურორტების მცირე ჩამონათვალს.

კურორტი ბეშუმი

კურორტი ბეშუმი მდებარეობს აჭარის მაღალმთიან რეგიონში, კერძოდ არსიანის ქედის აღმოსავლეთ ფერდობზე, რომელიც ზღვის დონიდან დაახლოებით 1850 - 1900 მეტრ სიმაღლეზეა. კურორტი თანდათან უფრო პოპულარულ დასასვენებელი საიტის სახეს იძენს, განსაკუთრებით კი მისი სამკურნალო ჩვენებების თვალსაზრისით, რომელიც, როგორც ცნობილია სასარგებლოა სასუნთქი გზების ქრონიკული დაავადებების მქონე ბავშვებისთვის; კურორტის ჰავა შველის ბრონქული ასთმის, სისხლნაკლებობის, საჭმლის მომნელებელი სისტემებისა და გულ-სისხლძარღვთა დაავადებებს.

კურორტი ბეშუმი მდიდარია წიწვიანი ტყეებით. ზაფხული კურორტზე ზომიერად გრილია. მაგალითად, აგვისტოში საშუალო ტემპერატურა დაფიქსრიდა 17,0 °C, ხოლო ზამთარი, რომელიც ხასიათდება ზომიერად რბილი ჰავით, 5,0 °C საშუალო ტემპერატურას მიაღწია იანვრის თვეში. კურორტზე ყველაზე მეტი დამსვენებელი ივნისიდნ სექტემბრის ჩათვლით გვხვება.

კურორტი გოდერძი

აჭარის მაღალმთიანეთში, ზღვის დონიდან დაახლოებით 2350 მეტრ სიმაღლეზე მდებარე კურორტი გოდერძი, უკვე დიდი პოპულარობით სარგებლობს ქვეყანაში და წელიწადში 15 ათასზე მეტ დამსვენებელს სტუმრობს. ზამთარი გოდერძის კურორტზე უკვე ნოემბრიდან იწყება და თოვლი მარტის ბოლომდე დევს მის მთებზე. ყველაზე ცივი თვე კურორტზე იანვარია, ხოლო ყველაზე თბილი კი აგვისტოს თვე. გოდერძი „ახალგაზრდა“ სამთო სათხილამურო კურორტად დასახელდა და პირველი სეზონი 2015 წელს გაიხსნა.

აღსანიშნავია, რომ საქართველოს მასშტაბით, გოდერძის კურორტი ყველაზე უხვთოვლიან რეგიონად დასახელდა, რომელიც ვიზიტორებს თოვლის გარდა ულამაზეს ხედებს, სათხილამურო ტრასებსა (8 კმ) და სუფთა ჰაერს სთავაზობს. სამთო სათხილამურო სეზონი, როგორც წესი დეკემბრის დასაწყისში იწყება ხოლმე კურორტ გოდერძიზე. გარდა ამისა, დამსვენებლებს შეუძლიათ ორი სახის საბაგირო გზით სარგებლობა, პირველი მათგანი გახლავთ რვა ადგილიანი გონდოლა, ხოლო მეორე კი ექვს ადგილიანი ბაბლი.

კურორტზე არაერთი კოტეჯი და სასტუმრო გაშენდა. კურორტი გოდერძი ყველანაირად ცდილობს დამსვენებელს ნებისმიერ სეზონზე უმასპინძლოს, ამიტომ ზაფხულის სეზონზე, კურორტზე ჰაიკინგი, საკემპინგე ზეონები, სალაშქრო ტურები, ცხენით და ველოსიპედებით სასეირნო ბილიკებიც დაემატა.

გომარდული

გომარდულის კურორტზე თოვლი უკვე ნოემბრის თვიდან დევს მთებზე და აპრილის თვემდე გრძელდება ზამთრის სეოზნი. თოვლის საფარი კურორტზე ზოგჯერ 2 - 3 მეტრსაც კი აღწევს. კურორტი გომარდული ზღვის დონიდან დაახლოებით 1120 კმ სიმაღლეზე მდებარეობს. დამსვენებლებს შეუძლიათ კურორტის სამთო სათხილამურო პოტენციალით სარგებლობა, რომლის სასრიალო ტრასის სიგრძე 300 მეტრს შეადგენს.

კურორტი დანისპარული

კურორტ დანისპარაულზე სამთო სათხილამურო ბაზა დამსვენებლებისთვის მოეწყო, რომელიც აღჭურვილია მოთხილამურეთათვის საჭირო ინვენტარით და ვიზიტორებს შეუძლიათ აუცილებელი სამთო ინვენტარის ადგილზე შეძენა ან/და ქირაობა.

ქედლები

ქედლები მდებარეობს აჭარის მაღალმთიან რეგიონში. მისი უმაღლესი მწვერვალი 1.692 მეტრის სიმაღლეზე მდებარეობს, რომელსაც "გოგური" ეწოდება.