აჭარის ღირსშესანიშნაობები (Acharis girsshesanishnaobebi)

აჭარა არის ისტორიული რეგიონი საქართველოში, რომელიც მდებარეობს შავი ზღვის სანაპიროზე. მისი ტერიტორიის უმეტესი ნაწილი მთებითა და ხევებით არის სავსე. რეგიონი გამოირჩევა ზომიერი, თბილი კლიმატით. აქ შეგიძლიათ დატკბეთ მთები, დაბლობებით და ფაუნის მრავალფეროვნებით, ასევე ესტუმროთ მრავალსაუკუნოვან არქიტექტურულ, არქეოლოგიურ და ისტორიულ ადგილებს.

აჭარაში ტურიზმის განვითარების პროცესი, ყოველწლიურად საკმაოდ აქტიურად და ეფექტურად მიმდინარეობს, რაც ერთი მხრივ უცხოური ინვესტიციების, ხოლო მეორე მხრივ კი ტურისტების სიმრავლეზე ისახება. შიდა ტურისტებს ძირითადად ზღვა იზიდავთ აჭარაშუ, მაშინ, როდესაც უცხოელი ტურისტები უფრო მაღალმთიანი აჭარით და ეკოტურიზმით არიან დაინტერესებულნი.

ბათუმის ბოტანიკური ბაღი

ბათუმის ბოტანიკური ბაღი (batumis botanikuri bagi), მდებარეობს მწვანე კონცხის სოფელში და უკავია 108 ჰექტარი მიწის ნაკვეთი. იგი ბათუმიდან სულ რაღაც ცხრა კილომეტრშია. ბაღს აქვს ცხრა ფლორისტული სექცია, რომელიც წარმოადგენს სხვადასხვა კლიმატურ და გეოგრაფიულ ზონას. გარდა ამიერკავკასიის ნოტიო სუბტროპიკებისა, მასში შედის ავსტრალიის, ახალი ზელანდიის, ჰიმალაის, აღმოსავლეთ აზიის, ჩრდილოეთ ამერიკის, სამხრეთ ამერიკის, მექსიკისა და ხმელთაშუა ზღვის ფლორა, 5000-ზე მეტი სხვადასხვა მცენარეული სახეობით.

მტირალას ეროვნული პარკი

მტირალას ეროვნული პარკი ორ განსხვავებულ საფეხმავლო შესაძლებლობას სთავაზობს ტურისტებს, რომელიც დაახოებით ერთ ან ორ დღიან ეკოტურს. მარშრუტები კარგად არის მონიშნული და მოწყობილი პარკში, გზის გასწვრივ მდებარეობს საპიკნიკო არეალიც, კოცონის დასანთები და საკემპინგე ადგილები. მტირალას ეროვნული პარკში (mtiralas erovnuli parki) სტუმრობის საუკეთესო სეზონია ადრეული შემოდგომა, გაზაფხული და ზაფხული.

მაჭახელას ეროვნული პარკი

მაჭახელას ეროვნული პარკი (machaxelas erovnuli parki), რომელიც მდებარეობს ხელვაჩაურის მუნიციპალიტეტში. ტერიტორია გამოირჩევა კულტურული და ისტორიული ძეგლებით, როგორიცაა სხვადასხვა პერიოდის თაღოვანი ხიდები, ღვინის საცავები და ციხე-სიმაგრეები. პარკში ლაშქრობისას შეგიძლიათ ისიამოვნოთ თვალწარმტაცი ხედებით, შავი ზღვისა და მაჭახელას ხეობაში.

შეკვეთილის დენდროლოგიური პარკი

შეკვეთილის დენდროლოგიური პარკი (shekvetilis dendrologiuri parki) ფართობით, მცენარეთა მრავაფეროვანი და უნიკალური კოლექციით, ერთ-ერთი პოპულარული ტურისტული საიტი გახდა მთელს აჭარის რეგიონში. დაახლოებით 60 ჰექტარზე გაშენებული ბაღში შეგიძლიათ იხილოთ ეგზორიკური ფლორის არაერთი სახეობა, როგორც ადგილობრივი, ისე მსოფლიოს სხვადასხვა კუთხიდან ჩამოტანილი.

შეკვეთილის დენდროპარკი ორ ნაწილად იყოფა:

• 18 ჰექტარზე გაშენებულია საქართველოს ენდემური ჯიშის ხეები, რომელიც 29 უნიკალური სახეობის კოლექციად იქცა და დაახლოებით 200-ზე მეტი ნიმუშისგან შედგება.
• 42 ჰექტარზე კი, მსოფლიოს სხვადასხვა ქვეყნიდან შემოტანილი ეგზოტიკური სახეობის მცენარეთა კოლექციაა გაშენებული.

გონიოს ციხე-სიმაგრე

რასაც ადგილობრივები ახლა გონიოს ციხეს უწოდებენ, ახ.წ. პირველი საუკუნით თარიღდება. სახელი გონიო გაჩნდა მოგვიანებით, XII საუკუნეში. II საუკუნეში ეს იყო გამაგრებული რომაული ქალაქი კოლხეთის სამეფოს შემადგენლობაში. ეს ადგილი კარგად იყო ცნობილი მისი იპოდრომით. მოგვიანებით იგი ბიზანტიის, ოსმალეთის და რუსეთის გავლენის ქვეშ მოექცა. დღეს მისი შესანიშნავი ქალაქიდან მხოლოდ ნანგრევებია დარჩენილი.

პეტრას ციხე-სიმაგრე

პეტრას ციხე გონიოს მსგავსად, მხოლოდ ნანგრევებია შემორჩენილი, მაგრამ ეს იყო კარგად განვითარებული გალავანი ქალაქი ძველ საქართველოში. ითვლება, რომ ბიზანტიის იმპერატორმა იუსტინიანე I-მა უბრძანა აქ აშენებულიყო ქალაქი ახ. VI საუკუნეში, რადგან ამ ტერიტორიას ჰქონდა ხელსაყრელი სამხედრო-სტრატეგიული და კომერციულ-ეკონომიკური პოტენციალი.

აჭარული სამზარეულო

ტურისტები აჭარაში განსაკუთრებით ინტერესდებიან ქართული კულტურით, ქართული სამზარეულოთი და ქართველი ხალხის სტუმართმოყვარეობით. აჭარული სამზარეულო ძალიან მნიშვნელოვან ხიბლს და მრავალფეროვნებას მატებს ქართულ სამზარეულოს.

აჭარული სამზარეულო ბოსტნეულით, ხორცით და თევზის კერძებით გამოირჩევა. ერთ-რთი პოპულარული და ყველაზე მეტად დაგემოვნებადი კერძია აჭარული ხაჭაპური, რომელსაც აჭარლები მთავარ კერძად იყენებენ, საუზმეზე, ან ლანჩზე. არსებობს მრავალი თეორია, თუ როგორ ჩამოყალიბდა ამ კერძის ფორმა. ერთი გავრცელებული ვერსიის თანახმად, ლაზები, ქართველთა ქვეჯგუფი, გამოცდილი მეზღვაურები იყვნენ და შესაბამისად კვერცხის შუაში მოთავსება მზის სიმბოლოს წარმოადგენს.

რით გამოირჩევა შავი ზღვის სანაპირო?

საქართველოს სანაპირო ზოლის უმეტესი ნაწილი კლდეებითა და დიდი კენჭებით არის ცნობილი. შავი ზღვის კლდოვან პლიაჟებს ასევე აქვთ ციცაბო ფერდობები წყლის ხაზიდან, წყალი კი ოდნავ მარილიანია, ამიტომ ცურვა ნამდვილი სიამოვნებაა. ქვემოთ იხილავთ, რამდენიმე გამორჩეულ შავი ზღვის სანაპიროს.

კვარიათის სანაპირო ზოლი

ტურისტები (როგორც შიდა ისე გარე) ამ ადგილას მოდიან ძირითადად “რაკუშკის” გამო, რომელიც არის ბუნგალო, აჭარელი მხატვრის ნათია აკა ფრიდას მიერ 15 წლის წინ შექმნილი და დაპროექტებული. ეს ადგილი თავისი მყუდრო ატმოსფეროთი, გემრიელი მენიუთი და ხელმისაწვდომი ფასებით გამოირჩევა. ასევე აქ იხილავთ ხელნაკეთ ორიგინალურ ნამუშევრებს ლიმონათებითა და კოქტეილებით. რაც შეეხება სანაპიროს, კვარიათის წყალი თბილია და სუფთაა.

შეკვეთილის და კაპროვანის სანაპირო ზოლი

შეკვეთილი და კაპროვანი აჭარის ქვიშიანი პლაჟებია. სანაპირო ქვიშიანია, როგორც ურეკი. ითვლება, რომ ამ პლაჟებზე ქვიშა კარგია გულ-სისხლძარღვთა დაავადებების სამკურნალოდ, ნერვული სისტემის პრობლემების, სტრესის, და კუნთების დაავადებების სამკურნალოდ. ფიჭვნარი, რომელიც იწყება შეკვეთილისა და კაპროვანის სანაპირო ზოლის უკან, დამსვენებლებისთვის სასიამოვნო გარემოს ქმნის. კლიმატი ამ მხარეში უზომოდ სასიამოვნოა.

შეკვეთილი და კაპროვანი მშვენიერი ადგილებია განსაკუთრებით ოჯახური მოგზაურობის დაგეგმვისთვის, განსაკუთრებით იმიტომ, რომ მიმდიბარედ არის ციცინათელას პარკი, რაც კიდევ უფრო შესანიშნავ გარემოს ქმნის ყველასთვის, მათთვისაც ვინც ბავშვებიც მოგზაურობს.